.jpeg "رواية عشق المراد البارت الثاني 2 بقلم مريم محمد")
رواية عشق المراد الفصل الثاني 2 بقلم مريم محمد
#عشق_المراد
#بارت2
رجع مراد في نص اليل و كان بيكلم بنت في التليفون
مراد ببرود: اقفلي يا كرما هكلمك بعدين
دخل غرفة امه صحاها عشان عايز يتكلم معاها
مراد: انا عندي فكره حلوه و لو نفذناها فريد مش هيقدر ياخد فيروزه
زينب: قول يبني
مراد: انا عندي واحد صاحبي مش متجوز نخليه يتجوز فيروزه لحد سنتين تكون تمت السن القانوني و بعدين يطلقها و فريد كدا مش هيقدر ياخدها لما تتجوز ولا لما تطلق
في ذلك الوقت مامت مراد ضربته بالقلم
مراد بغضب: انتي اتجننتي
زينب بغضب: ولد متنساش انك بتكلم امك
مراد: تمام تمام بس ليه حضرتك عملتي كدا ده انا جبتلك حل
زينب: انت ولد مش متربي و كلامك ده و انك تجوزها لصاحبك ممكن فيروزه الي تروح لعذاب ابوها برجليها
مراد بغضب: وانتي شايفه اي يعني
زينب: الحل في ايدك يا ابن بطني وانت عارف اي الحل و بتستهبل
مراد بنفاذ صبر: مامااا اي الحل قولي
زينب: تتجوزها انت و اصلا البت بتحبك
مراد: بس انا مش بحبها
زينب: إمال لابس سلسله عليها اسمها ليه
مراد: فيروزه زي اختي و مش معني اني لابس سلسله عليها اسمها يبقا بحبها
زينب: حتي لو هيا بس الي بتحبك اتجوزها البت يتيمه و غلبانه و بتحس معاك بلامان
كل ده كانت فيروزه سمعته و طلعت تجري علي غرفتها و هيا بتتوعد لمراد انها هتخليه يندم علي كل كلمه كسر بيها قلبها
مراد ببرود: تمام يا ماما الي انتي شيفاه
زينب بفرحه: كنت متأكده انك هتوافق و صدقني هتحبها و انت الي بعد السنتين هتقول مش عايز تطلقها
مراد بحده: ماما خلاص
زينب: طب هتكتب عليها امتي
مراد: بكرا هيكون المأذون هنا الساعه 8
طلعت زينب من عند مراد دخلت غرفة فيروزه عشان تقولها الخبر شافت فيروزه بتبكي
زينب: مالك يا فيروزه
فيروزه بكذب: حلمت حلم وحش
زينب: طب انا عندي ليكي خبر حلو ابوكي مش هيقدر ياخدك لان بكرا مراد هيتجوزك
فيروزه و بدأت تبكي اكتر: تمام يا خالتو
زينب: انتي كويسه
فيروزه: اه
تاني يوم تحديدا بليل في معاد كتبت الكتاب
المأذون: اتفضلي امضي يا عروسه
خلص المأذون علي كلمته الشاهيره بارك الله لكم و بارك عليكما و جمع بينكم في خير
مشي المأذون و الشهود و كل الي كان موجود
فيروزه: عن اذنكم داخله انام
زينب: يلا وانا كمان
مراد مسك ايد فيروزه: انقلي حاجه فيروزه غرفتي عشان من انهارده هتنام في حضني.... وووووو يتبععع
#مريم_محمد
#بارت2
#عشق_المراد
